Proget
Al dì d’incoeu hoo relassad trii proget al publegh. I jut de tucc inn, ciar e patent, benvegnud :)
Lombardometria
Lombardometria a l'è un proget per el regoeujer di dacc dialetometrigh per la lengua lombarda e poeu lavoràgh sora, inscì de studià el raport in tra i vari dialet e i so ortografie.
Lmo-check
Lmo-check a l'è un classifegador bayesian di dialet de la lengua lombarda che hoo portad ‘me proget per l’esam Programazzion Web.
El dopera Node.js, che ‘l se ocupa de la part de backend: el ciapa diretament i dacc de la Wikipedia in lombard per giornàss e poeu el respond de un’API con la classifegazzion, con bona probabilità giusta, del dialet presentad.
NKScan
A lu ‘l ghe pias ris’cià, neh? (coment del Prof quand che hoo presentad el proget)
NKScan a l'è ‘n portscan propi normal che, però, el controlla l’Internet publegh de la Republega Democratega Popolar de Corea, aka Corea del Nord. El gh’ha dent di fonzion standard de recerca (servizzi web, FTP, SMTP) e alter fonzionalità che se poden personalizà.
El report a l'è relassad in formad de test.